По големиот спортски успех, повторно во фокусот на јавноста се најде и неговиот приватен живот.

Неодамнешно раскинување

Според информациите на шпанските медиуми, фудбалерот на Барселона ја прекинал врската со манекенката, а парот заедничките моменти главно ги поминувал на патувања, меѓу кои и на Ибица.

Веста за раскинувањето ја објави шпанскиот новинар Хави де Ојос, а дополнителна потврда даваат и социјалните мрежи, каде што Торес и Хантер повеќе не се следат меѓусебно. Засега ниту еден од нив двајца јавно не го коментирал крајот на врската.

Врска со ќерката на поранешниот селектор

Пред Мартина Хантер, Торес од 2021 до 2023 година бил во врска со Сира Мартинез. Таа е ќерка на поранешниот селектор на Шпанија и актуелен тренер на ПСЖ, Луис Енрике.

Нивната врска го привлекувала вниманието на светските медиуми, а многумина ги сметале за еден од најхармоничните  млади спортски парови во Шпанија.

Успеси на теренот

По раскинувањето со Мартинез, Торес целосно му се посветил на фудбалот, а подоцна ја започнал врската со Хантер. И покрај промените во приватниот живот, 26-годишниот напаѓач останува целосно фокусиран на своите спортски обврски.

Зад него е успешна сезона во Барселона, каде што постигна 16 голови во Ла Лига, а со шпанската репрезентација ја освои титулата светски шампион.