Вечерва се очекува големо невреме со пороен дожд, засилен ветер и грмежи северозападно од Куманово, со можност за зафатување на делови од градот. Од УХМР најавуваат локална нестабилност до крајот на денот, а во текот на ноќта временските услови ќе се стабилизираат.
Големо невреме со пороен дожд, засилен ветер, грмежи и покрупен град има северозападно од Куманово, соопшти директорот на Дирекцијата за заштита и спасување, Стојанче Ангелов.
Според него, постои можност невремето да зафати и делови од Куманово.
Од Управата за хидрометеоролошки работи денеска информираа дека попладнево наместа времето било нестабилно, со пороен дожд, грмежи и засилен ветер, проследено со слаб до умерен ветер од југоисточен правец.
Од УХМР најавија дека до крајот на денот ќе има услови за локална нестабилност, проследена со пороен дожд, грмежи и засилен ветер.
Во текот на ноќта се очекува стабилизација на времето.
