Во близина на скопско Петровец се случи сообраќајна несреќа во која возило удри пешак кој се здоби со тешки телесни повреди и е пренесен во здравствена установа во Скопје.
Ноќеска околу 20:00 часот во СВР Скопје е пријавено дека на општинскиот пат од с.Огњанци кон Петровец, патничко возило „рено“ со скопски регистарски ознаки, управувано од 52-годишниот Б.П. од Скопје, удрило во пешакот М.Т.(28) од с.Р’жаничино, општина Петровец.
Во несреќата со тешки телесни повреди се здобил пешакот, констатирани во Јавна здравствена установа „Свети Наум Охридски“ во Скопје.
Извршен бил увид од увидна екипа на СВР Скопје.
