Министерот за здравство потврди седми смртен случај од западнонилска треска во Македонија. Починатиот е пациент од Општина Гази Баба, додека бројот на хоспитализирани расте, со нови случаи во Скопје Север.
Уште еден нов смртен случај од западнонилска треска е потврден во Македонија, соопшти министерот за здравство, Сашко Клековски. Со ова, бројот на починати од вирусот се искачи на седум.
Министерот кажа дека починатиот е пациент на возраст од 69 години од Општина Гази Баба и бил хоспитализиран 38 дена.
Вкупниот број на хоспитализирани е 19, а има и еден нов сомнителен случај од Радишани.
Клековски кажа дека последните неколку нови случаи се од Скопје Север.
Министерот кажа дека според најголемата студија во Америка спроведена на над 3.000 случаи, стапката на заболување со невроинвазивната форма и смртноста е поголема кај мажите.
