Кога Крис Џенер ќе се појави пред фотографите, облеката речиси никогаш не останува единствена тема. Така беше и на свечениот настан во Лос Анџелес, на кој пристигна со својот долгогодишен партнер Кори Гембл. Иако за таа вечер избра впечатлива темносина комбинација, најголемо внимание привлече нејзиното лице.

70-годишната реалити-ѕвезда и најпознатата „мамаџерка“ во светот се смеела пред камерите, додека на социјалните мрежи повторно се нижеа коментари за нејзината голема трансформација. За естетскиот зафат на кој се подложила во медиумите се поврзуваше сума од приближно 100.000 долари, но Крис никогаш не потврди колку навистина го платила.

Не се обиде да го сокрие фејслифтингот

За разлика од бројни познати личности кои промената на изгледот ја припишуваат на одмор, нега на кожата или поинаква шминка, Крис не криеше дека повторно отишла „под нож“.

Таа потврди дека зафатот го извршил њујоршкиот пластичен хирург, доктор Стивен Левин, а објасни и дека сакала да ги освежи резултатите од фејслифтингот на кој се подложила околу петнаесет години претходно.

„Одлучив да се подложам на овој фејслифтинг затоа што сакам да бидам најдобрата верзија од себе и тоа ме прави среќна“, изјави таа претходно за „Vogue Arabia“ и додаде дека тоа е нејзиниот начин достоинствено да старее, дури и ако другите не се согласуваат со нејзиниот избор.

Првиот фејслифтинг го направила уште во 2011 година, а подготовките за пластичната операција тогаш беа прикажани во реалити-шоуто „Keeping Up with the Kardashians“. Поради тоа, таа е прилично отворена кога зборува за естетските корекции, па со самото тоа не ја изненадува ниту публиката која со години го следи ова семејство.

Одговорот на Крис Џенер на приказните дека е незадоволна

По првите фотографии од нејзиното променето лице се појавија тврдења дека резултатот од зафатот наводно не траел долго и дека Крис размислува за нова корекција. Таа решително ги отфрли таквите тврдења.

Гостувајќи во подкастот на нејзината ќерка Клои Кардашијан, таа рече дека тврдењето дека е лута на својот хирург е „чиста лага“. Објасни дека нејзината цел била освежен изглед и поизразена линија на вилицата, како и дека е задоволна од постигнатиот резултат.

„Го сакам своето лице и целосно сум задоволна од начинот на кој изгледам“, порача Крис и истакна дека на 70 години повеќе не ѝ е потребно туѓо одобрување.

За неа, како што вели, естетските промени не се борба против годините, туку лична одлука за тоа како сака да ги носи.