[ФОТО] Прва победа во сезоната: Ферстапен славеше во лудата трка во Малезија

Имаше проблеми за време на трката, безбедносното возило мораше во неколку наврати да биде активирано, а во целиот хаос најдобро се снајде Ферстапен кој воедно тргна од позицијата број еден. Ова за Холанѓанецот е прво славје во тековнава кампања, вкупно 72. во кариерата.

Зад него беше лидерот во генералниот пласман Кими Антонели, а место на пиедесталот имаше и за асот на Ферари, Луис Хамилтон.

Леклер го освои четвртото место, Хаџар од Ред Бул беше петти, а до бодови стигнаа уште Пјастри, Лосон, ветеранот Алонсо од Астон Мартин, Норис и Линдблад.

Само за појаснување Големата награда на Бахреин беше преместена во Малезија поради нестабилната геополитичка ситуација и конфликтите на Блискиот Исток.