Разорна поплава на реката Будхи Гандаки утрово однесе меѓу 35 и 40 куќи, повеќе мостови и дел од градилиштето на хидроцентрала во областа Горка, околу 100 километри западно од Катманду, Непал.
Според непалската полиција, поплавата ја предизвикало свлечиште што ја блокирало реката меѓу селата Локпа и Чумлинг, во општината Чумнубри. Откако водата ја пробила природната брана, надојдената река носела кал, камења и дрвја низводно.
बुढीगण्डकी नदीमा आएको बाढीपश्चात् खोज तथा उद्धार कार्यका लागि नेपाली सेनाको फौज हवाई तथा स्थल मार्गबाट खटिई पहिरोको जोखिममा रहेको जगत इलाकाबाट ६ जनाको हवाई उद्धार गरेको । काठमाडौँमा रहेको composite quick reaction team समेत हवाई साधनबाट उक्त इलाकामा तैनाथ भएको । https://t.co/nCCqo5zdCB
— Nepali Army (@NepaliArmyHQ) October 11, 2026
Според началникот на општината Чумнубри, Нарајан Прасад Сапкота, кого го цитира весникот „Катманду пост“, водата однела меѓу 35 и 40 куќи во населените места Џагат Багар, Салери и Гатихола. Жителите во темнината бегале кон повисоките места, а некои од нив снимале како надојдената река ги носи куќите.
Поплавата урна два висечки пешачки моста, челичен мост во местото Соти и мостот кај Аругат, кој ги поврзува областите Горка и Дадинг. Шефот на непалската Агенција за намалување на ризиците од катастрофи, Дарам Раџ Упрети, потврди дека водата го однела и главниот мост меѓу двете области.
Уништени се и кампот и дел од опремата на градилиштето на хидроцентралата Будхи Гандаки, со планирана моќност од 341 мегават.
The Soti Khola bridge has been completely swept away in Gorkha district, Nepal by the devastating Budhi Gandaki River flood today, October 11, 2026. https://t.co/mg2UeJyuDp
— Ananda Nepali (@anandanepali99) October 11, 2026
Според последните информации на локалните медиуми, пет лица се водат како исчезнати, а шест лица што ги зафатила поплавата беа спасени со хеликоптер.
Властите наредија евакуација на жителите покрај реката и ги предупредија населението во областите Горка, Танахун, Читван и источен и западен Навалпараси да се засолнат на побезбедни места, бидејќи нивото на водата и натаму осцилира.
