Том Брејди во врска со славна манекенка? 11 години е помлада од него и важи за еден од најубавите ангели на „Викторија Сикрет“

Како што изјавил извор за „Ас Викли“ парот ужива во љубовната врска веќе неколку месеци, но засега не се познати повеќе детали.

„И двајцата живеат во Мајами, што им е многу практично. Поминуваат многу време заедно“ навел изворот.

Брејди го држи својот приватен живот подалеку од очите на јавноста по разводот од манекенката Жизел Бундшен, со која бил во брак од 2009 до 2022 година.

Оттогаш го поврзуваа со неколку познати дами, меѓу кои Ким Кардашијан, Ирина Шајк, Брукс Нејдер, Софија Вергара, Аликс Ерл и Јел Коен.

Легендарниот квотербек, кој седум пати го освоил Супербоул, со Бундшен ги има синот Бенџамин (16) и ќерката Вивијан (13), додека од врската со Бриџет Мојнахан го има синот Џек (19).

Од друга страна, јужноафриканската манекенка Кендис, која е најпозната по соработката со брендот „Викторија Сикрет“, ги има синовите Анака (10) и Аријел (8) со поранешниот свршеник Херман Николи, со кого била во врска повеќе од една деценија, а се разделиле во 2018 година.

Брејди претходно оваа година изјавил дека љубовниот живот и состанувањето не му се приоритет.

„Знаете што? Немам многу време за приватен живот, ниту пак многу време за себе, но сакам да работам и ги сакам моите деца“ изјавил тој во јануари за „Пипл“, додавајќи дека сака да биде зафатен и дека е вклучен во неколку навистина „кул“ проекти со одлични тимови од луѓе.

Свонпул во 2023 година за списанието „Ви“ изјавила дека е „многу посветена на потребите на своите деца, а потоа и на сопствените потреби, кои се исто така важни“.