Јамал шутна пенал и се повреди

Ламин Јамал изведе пенал, во 40-та минута и ѝ донесе водство на Барселона во дуелот со Селта и се повреди. Суперталентираниот шпански фудбалер, наместо да го прослави голот, веднаш легна на тревата со болна гримаса на лицето. Се фати за препоните и побара промена, што наведува на помисла дека повторно станува збор за повреда што се влече веќе долго време. Станува збор за пубалгија, непријатна повреда на препоните што предизвикува болка и директно влијае на перформансите на теренот. Тоа е проблем што бара долгорочна рехабилитација, со прилагоден тренинг и внимателно управување со оптоварувањето.

---