Samsung го претстави првиот модуларен телевизор на светот со дијагонала од 3,7 метри
Филмофилите наскоро ќе имаат можност да нарачат модуларен телевизор, направен по мерка на собата. Компанијата Samsung во Лас Вегас го прикажа моделот со дијагонала од 3,7 метри, но не кажа колку ќе чини.
The Wall е “ѕвер од телевизор” со дијагонала од 3,7 метри, а корејскиот гигант наведува дека овој 4К уред е првиот модуларен телевизор на светот.
Samsung introduces a 146-inch modular, MicroLED based TV it calls The Wall. Now we're left to guess what's Beyond The Wall. pic.twitter.com/SrwFFPjNke
— David Katzmaier (@dkatzmaier) January 8, 2018
За прикажување на сликата, екранот користи MicroLED технологија која е слична на OLED т.е. секој пиксел емитува сопствено светло и не му е потребно дополнително позадинско осветлување.
Токму поради тоа, телевизорот има богати бои и длабока црна боја каква што се забележува на скапите OLED телевизори.
Бидејќи околу екранот нема рамка, тоа овозможува прилагодување на големината според сопствените потреби, но Samsung не ги откри деталите како ќе функционира тоа во пракса.
Се наведува дека купувачите би можеле да имаат телевизори со големина на целиот ѕид кој во иднина би можел да се прошири. Исто така не откриле од колку модули е составен овој “ѕвер” кој беше прикажан на “CES” во Лас Вегас.
Телевизорот би требало официјално да биде лансиран напролет, а тогаш ќе ја дознаеме и неговата веројатно астрономска цена.
