Шер одржа два концерти во Лондонската арена О2 во свој неповторлив стил. Таа е жива легенда на музичката сцена и одржа такви настапи што публиката ќе ги памети до крајот на својот живот.
Спуштајќи се до долу, целата облечена во светкави костими, 73-годишната пејачка најави вистински спектакл. На сцената била придружена со мажи и жени кои биле облечени во старогрчки стил и таа покажала зошто е еден од најдобрите вокали на сите времиња.
Сменила осум перики, а својот настап го започнала во син костим.
Се пошегувала на своја сметка дека не знае дали луѓето во публиката ѝ аплаудираат затоа што сè уште е жива или затоа што може да биде облечена во таков костим.
Без оглед на причината, сепак публиката била воодушевена од тоа колкава енергија има таа и колку и понатаму дава сè за неа.