Денис Квејд официјално е верен. 65-годишниот актер ја запросил девојката Лора Савој (26) после неколку месеци врска, признала ѕвездата за странските медиуми.
„Прстенот ми беше во џеб“, рекол тој и додал дека тоа го планирал месец и половина.
Холивудскиот актер открил дека чекал совршено зајдисонце за да ја запроси младата докторантка по сметководство.
Како што пренесува „People“, Савој за време на студиите излегувала со актерот Џереми Пивен.
„Us Weekly“ пренесува дека на Инстаграм има и фотографии со Квејд, а покрај една од нив, на која се бакнуваат, напишала дека никогаш не била посреќна.
