Храната која се послужува во предворјето на театарот “Долби” е вегетаријанска, односно исклучиво на растителна база, па затоа младата актерка Џулија Батерс се погрижила да не остане гладна...
10-годишната Батерс која глуми во филмот “Once Upon A Time in Hollywood” претпоставила дека нема да се најаде на овогодишното доделување на Оскарите, па со неа си понела мала закуска. Во својата клач чантичка, Џулија носела сендвич од мисиркино месо.
“Не ми се допаѓа храната тука”, рекла Џулија. За време на самото доделување на наградите не се послужува храна, но Академијата за филмска уметност и наука потврдила дека ќе има храна во предворјето пред церемонијата. Но, менито било вегетаријанско односно исклучиво на растителна база.
Џулија со својата појава во симпатичен розов фустан ги “освоила” фоторепортерите на црвениот тепих, а посебно ги насмеала нејзината одлука да си понесе храна во малата чантичка. Уште пред почетокот на самото доделување, нејзиниот потег стана вирален, а на социјалните мрежи се пишувале објави поврзани за сендвичот.
Julia Butters brought a turkey sandwich in her purse because "I don't like some of the food here. #Oscars pic.twitter.com/sCDTr4GZYq
— Amy Kaufman (@AmyKinLA) February 9, 2020
Julia Butters snuck a turkey sandwich onto the #Oscars red carpet: https://t.co/MpZw3LeqQt pic.twitter.com/WqeKTVm1M6
— Decider (@decider) February 9, 2020
10-годишната Џулија се појави во филмот на Квентин Тарантино, рамо до рамо со Леонардо ди Каприо, Бред Пит и Марго Роби кои беа номинирани за Оскар.