''Парче рај'' на попуст – од туристичката сезона не остана ништо, почна распродажбата на вили и хотели во оваа светски позната туристичка дестинација

На индонезискиот остров Бали, сопствениците на хотелите кои што се силно погодени од кризата Ковид-19, присилени се да ги стават своите недвижнини на продажба.

Ова особено следело по одлуката на власта сезоната да не се отвори пред есен. И додека едни се борат за егзистенција, инвеститори, можеби на другиот крај на светот некои можат да ја зграбат оваа единствена можност и да купат ‘парче рај’ по поволна цена.

На пример, одморалиште со 50 вили кое што се гради во близина на популарната плажа за сурфање, се продава за 9 милиони долари, што е значително помалку за претходно бараната цена од 17 милиони долари.

Хотел со 5 ѕвезди и 140 соби, популарен меѓу луксузните недвижнини, ставен е на продажба во месец мај по цена од 7.7 милиони долари.

Иако стопирањето на меѓународните патувања ги опустоши дестинациите како што се оние на Тајланд и Хаваите, оцените се дека Бали е ‘поранлив’ од останатите.

Туризмот е 60 отсто од економијата на островот, и така обезбедува работа за сите – од готвачи и хигиеничарки во одморалиштата со пет ѕвезди, до менаџери и шофери.

Рекордни 6.2 милиони патници ги посетиле плажите на Бали, минатата година, а оваа година сето тоа е намалено за 22 отсто.