(Фото) Кејт Хадсон позирала топлес додека пие утринско кафе – вниманието го украде коментарот на нејзиниот брат

Се огласи и нејзиниот брат кој на убав начин ставил до знаење дека не бил воодушевен од глетката.

Хадсон отсекогаш привлекувала внимание со својата убавина и витка линија, а своевремено беше и на листата на „100 најубави луѓе на светот“. Се чини дека и денес успева да ја оправда таа титула.

На фотографијата која ја сподели на својот Инстаграм, ѕвездата покажа како ужива во утринските моменти. Пиејќи кафе, таа позирала без шминка и топлес, додека брановидната долга руса коса ги покрива нејзините голи гради.

„Изгрејсонце“, напиша актерката која за неколку дена собра речиси половина милион допаѓања.

Иако со своето издание предизвика воодушевување и бројни комплименти кои ѝ ги упатија Парис Хилтон, Мишел Фајфер, Селма Блер и други ѕвезди, нејзиниот брат Оливер не бил фасциниран од глетката што ја видел.

„Не“, напишал тој кратко.

Неговиот саркастичен коментар веднаш предизвикал бројни реакции, а многумина се согласиле дека братско-сестринската љубов е посебна и дека реакцијата на Оливер е симпатична.

„Браќата секогаш се заштитнички настроени кон сестрите. Јас имам двајца и се однесуваат како да имам 5, а не 40 години“, напишала една корисничка.

Инаку, 43-годишната актерка и нејзиниот две години постар брат се многу блиски, а често се шегуваат во јавноста и на социјалните мрежи, каде Оливер воглавно ја „исмејува“ својата сестра.

„Имаме интересна динамика. Имавме возбудливо детство и без оглед на тоа колку конфликти имавме, секогаш бевме многу блиски“, објасни актерката во една прилика.