Најплатената британска манекенка Кара Делевињ предизвика загриженост кај фановите поради својот изглед и однесувањето на јавни места.
Неодамна Кара била забележана во потполно непрепознатлива состојба на аеродром во Лос Анџелес, а многумина претпоставуваат дека била под дејство на опијати бидејќи едвај стоела на нозе, а кога повеќе не можела да издржи, седнала на клупа.
На нозете носела само чорапи.
Неодамна, во текот на гостувањето во емисијата на Џими Фалон, постојано неконтролирано се тресела.
30-годишната Кара во последно време е сè почесто мета на критики, а нејзините пријатели, како што пишуваат медиумите, ја тераат да побара професионална помош. Манекенката веќе долга низа години се бори со менталните проблеми и алкохолот.
Делевињ неодамна отворено признала дека се бори и со голем стрес и дека не ѝ било лесно растењето покрај мајка која била зависник од хероин. Покрај сето наведено, на Кара ѝ е дијагностицирано и биполарно нарушување.
Под нејзините последни објави на социјалните мрежи, следбениците ја молат манекенката да побара помош додека не е предоцна.