Досега непознат континент покрај брегот на Нов Зеланд бил откриен во 2017 година, што предизвикало насловни страници ширум светот.
Зеландија, позната како Те Риу-а-Мауи на маорскиот јазик, зафаќа повеќе од 5 милиони квадратни километри, што ја прави двојно поголема од индискиот потконтинент.
Можеби се прашувате зошто тогаш не е откриена порано? Причината е што 95% од нејзината површина е потопена под југозападниот Пацифик, исчезнувајќи долго пред да постојат луѓето на Земјата. На површината се видливи само големио планински венец (два новозеландски острови) и некои мали океански острови, пишува „Indy100“.
Малку се знае за неодамна откриениот континент, главно поради неговата речиси целосна непристапност. Меѓутоа, тим од геолози од целиот свет составил нова геолошка карта мапа која ја вклучува Зеландија. Мапата е формирана со помош на комбинација од примероци од карпи собрани од морето и методите на геофизичко мапирање.
Геолозите откриле големи формации од песочник и наоѓалишта на базалтни камчиња, следејќи ги надворешните граници на Зеландија додека барале примероци.
First map of Earth's lost continent has been published https://t.co/36u1wHpS16
— indy100 (@indy100) July 25, 2024
Се смета дека песочниците се стари околу 95 милиони години и содржат постари гранитни и вулкански камчиња, што сугерира дека кога Зеландија била сува земја, реките кои течеле од вулканските висови ги исполнувале тектонските басени.
Се верува дека високите планини биле активен вулкански опсег пред најмалку 30 до 50 милиони години, но веројатно биле еродирани кога песочникот бил депониран. Геолозите веруваат дека Зеландија постепено била потопена пред околу 40 милиони години, благодарение на откривањето на базалтните камчиња, кои се поврзани со подводниот вулканизам.
Студијата „Рекогносцирање на основата на геологијата и тектониката на Северна Зеландија“ била објавена во списанието „Tectonics“ (2023).
