И по толку време, сè уште изгледа како автомобил од иднината.
"Lamborghini" започна со производство на "Countach" во март 1974 година, кога елегантните суперавтомобили со клинест облик почнаа да излегуваат од производната лента. Производството на револуционерниот модел траеше дури 16 години.
Сепак, "Countach" во никој случај не беше масовно произведено возило. Во тој период се направени само 1.999 примероци.
Иако малку на број, "Countach" имаше огромно влијание врз целиот автомобилски свет. И се започна со зелениот "Countach" од 1974 година од фотографијата.
За да го прослави почетокот на производството пред половина век, "Lamborghini" го врати оригиналниот "LP 400" на местото на неговото раѓање.
Истата линија, на истата локација Санта Агата Болоњезе е сè уште активна, иако работите денес изгледаат малку поинаку.
Компанијата објави и фотографии од производствената линија "Countach" низ годините, покажувајќи како се склопуваат "LP 500" и "LP 5000".
Подоцнежните модели го сочинуваат огромното мнозинство од вкупното производство.
"Lamborghini" организираше и фотосесија со својот модерен предводник на суперавтомобил, "Revuelta". Иако во меѓувреме многу работи се променија во светот на автомобилизмот, двата модели ги поврзува фактот што имаат "V12" мотор. И двата примероци имаат зелена надворешност.
Оригиналниот "LP 400" е произведен од 1974 до 1978 година и е препознатлив по недостатокот на проширени браници.
Овие екстензии пристигнаа на верзијата "LP 400 S", дизајнирана да ги „угости“ гумите на "Pireli" поставени на сега веќе легендарните тркала дизајнирани како стари телефонски бројчаници.
"Countach LP 400 S" беше произведуван од 1978 до 1982 година, кога на сцена стапи "LP 5000 S".
Изгледа практично идентично со "LP400S", но "V12" моторот е зголемен на 4,8 литри. Следеше "5000 S Quattrovalvole" од 1985 до 1988 година, што му донесе уште поголем мотор и поголема моќност на суперавтомобилот.
"Countach" го заврши својот танц во 1990 година со моделот "25th Anniversary", направен во 658 примероци.
„Денес нашата продукција е многу поразлична од 1974 година“, вели главниот директор на продукцијата Раниери Николи.
„Но, тој ги задржува најдобрите аспекти и ги обединува мануелните вештини на нашите работници и најдобрите достапни технологии, доведувајќи го таканаречениот "Manifattura Lamborghini" на следното ниво“.
