„До вчера ме нарекувавте дебел и болен“: Јутјубер во тајност ослабнал 114 килограми и сите се шокирани од неговата измама

Николас ги остави збунети своите следбеници бидејќи објавуваше видеа до пред три месеци, а последното е на 1-ви мај 2024 година кога изјави дека „престанал“ да слабее и дека е „време повторно да се здебели“.

Сепак, се чини дека тоа било измама. Николас објави бизарно видео на Јутјуб наречено „Два чекори напред“ додека носел глава на панда. Тој им порачал на следбениците: „Секогаш сум два чекори понапред. Ова беше најголемиот експеримент во мојот живот. Загрижувачко е, но и фасцинантно е да се гледаат сите овие нездрави, дезориентирани суштества како лутаат на интернет во потрага по приказни, идеи и ривалства во кои се чувствуваат охрабрени и ангажирани“.

Отстранувајќи ја главата на пандата, тој открил дека ослабел. Јутјуберот вели дека се разбудил од „многу долг сон“ во кој изгубил 114 килограми. „До вчера луѓето ме нарекуваа дебел и болен, здодевен и неважен“, рече тој. „Луѓето се најзбунетите суштества на планетата, а сепак успеав да останам два чекори пред сите нив“.

Во друго ново видео, тој призна: „Не сум направил видео две години“, што значи дека сите видеа што ги објавувал во изминатиот период биле снимени додека не влегол во процесот на слабеење.

Неговите следбеници останаа шокирани: „Мислам дека сите изгубивме во социјалниот експеримент“, „Веројатно снимил многу видеа кога бил подебел и ги објавувал понекогаш кога во реалниот живот всушност слабеел две години и нè измами сите“.