"Renault" во соработка со францускиот дизајнер го вратија легендарното купе од 70-тите години на минатиот век.
"Renault 17" беше премиерно прикажан во 1971 година, а потоа беше преименуван во "17 Gordini" на истото место во 1974 година. Сега, половина век подоцна, "Renault" се присетува на овој модел и го претставува во ново светло. Тој го направи она што денес го прават многу каросериски работилници, рестомод на електричен погон.
За најдобар можен резултат во проектот беше вклучена и француската дизајнерка Ора Ито, која на крајот излезе со нов дизајн во дадените рамки на оригиналот во духот на денешното време. Нема сомнеж, препознатливоста е задржана, а во духот на времето се присутни дури и основната нијанса на кафена боја и предните 'LED" диоди со жолта боја.
Посебно впечатлива е страничната линија со препознатливата форма на стаклените површини. Во кабината сепак останува ретро дизајнот, но во модерна интерпретација. Она што особено радува се квадратните мерни инструменти (плани) и дрвениот украс. Сепак, централниот мотив го презема дизајнот на воланот.
Најголемата промена е под предниот капак.
Наместо бензинец од 1,6, сега има електромотор со максимална моќност од 270 коњски сили. Тежи само 1.400 килограми благодарение на обилната употреба на карбон во конструкцијата на носечката структура на шасијата.
Засега се работи за уникатен артикл наменет за промотивни активности. Кој знае, ако го добие одобрението од јавноста, може да доживее дури и помала продажна серија. Ако "Hyundai" и "N Vision 74" би можеле да го направат тоа, зошто да не и "Renault"?
