Братот на Џулија Робертс ѝ упати јавно извинување на актерката по контроверзните изјави во 2018 година: „Беше глупаво да се каже тоа“

Ерик изјави за „Vanity Fair“ во 2018 година: „Да не бев јас, немаше да постојат Џулија Робертс и Ема Робертс како славни личности, како актерки, и многу сум горд на тоа“.

„И толку сум горд што сите знаат дека сум бил првиот, затоа што бев првиот надалеку. Прв добив номинации за Златен глобус и Оскар, така што сум горд на тоа“, додаде тој во изјавата.

Сега Ерик се повлекува, пишувајќи во своите мемоари: „Се надевам дека Џулија ќе го прифати ова јавно извинување. Беше глупаво да се каже тоа“.

Ерик во мемоарите додава дека употребата на дрога одиграла голема улога во лошите односи со неговите сестри Џулија, Лиза Робертс Гилан и Ненси Мотс.

„Не би бил изненаден ако страдале од ПТСН од времето кога беше опасно да се биде во моја близина“, пишува Робертс. „На Лиза и Џулија им требаа љубов и заштита - наместо тоа, тие добија страв и неизвесност“.

„Се разбира, најголемата последица од мојата употреба на дрога беше губењето на Ема“, додава тој во врска со битката за старателство над неговата ќерка, актерката Ема Робертс, која ја дели со Кели Канингем.

Во продолжение додал дека замислува да остане „брат на Џулија и татко на Ема Робертс до крајот на својот живот“, истакнувајќи дека би сакал да го исправи тоа и „грациозно да се тргне настрана“.

Во своето интервју за „Vanity Fair“ во 2018 година, Ерик призна дека за време на неговата младост, на сите „понекогаш им бил потребен одмор од него, тврдејќи дека тоа сигурно ја вклучувало и Џулија“.

За време на појавувањето на поткастот „Still Here Hollywood“ претходно оваа година, Ерик откри дека Џулија не сака тој да зборува за неа: „Ја сакам сестра ми, но не можам да зборувам за неа. Таа не сака да зборувам за тоа“.