Зад ваквото однесување не се крие ароганција, туку желбата да не се губи време на неважни работи. Доколку се најдете на некаков собир со припадник на оваа нација, очекувајте тишина.
Дали знаете кој е најголемиот кошмар во Финска? Да му се приближите на Финец додека чека автобус на станицата. Иако ова е шега која одвреме-навреме кружи на интернетот, таа всушност одлично ја опишува културата на овој народ од северот на Европа.
Финците навистина претпочитаат да стојат на поголема оддалеченост едни од други на станицата отколку да бидат збиени и принудени на разговор со сонародниците.
Проблемот не е физичката блискост – на крајот на краиштата, Финска е земја со два милиони сауни каде населението е навикнато да седат голи во релативно мал простор, тие едноставно не сакаат ситуации кога се принудени да разговараат со непознати луѓе.
Финците не веруваат во неискрена комуникација и муабет за небитни работи. Ако можат да избегнат разговор со странци, тие дефинитивно ќе го направат тоа.
И не, зад ова однесување не се крие ароганција, туку желбата да не се губи време на неважни работи. Доколку се најдете на собир со непознати Финци, очекувајте тишина. „Тишината е злато, а говорот е сребро“,-една од популарните фински изреки.
Финците ќе разговараат само со своите најблиски пријатели, претпочитајќи да го трошат своето време на длабоки и значајни разговори за животот. Во кафуле ќе нарачаат пијалак без многу разговор, а потребните намирници ќе ги купат во продавница без ниту еден изговорен збор.
The Finnish take their personal space very seriously. I find this weird but also very appealing at the same time... pic.twitter.com/ldOkWaOk4j
— Alex (@onlyAlex87) October 26, 2014
Прашањето „Како си“ во повеќето земји претставува еден вид поздрав за кој не е потребен вистински одговор. Но доколку пријател го постави ова прашање („Mitä kuuluu?“) на Финец, тој навистина ќе каже како се чувствува и што се случува во неговиот живот.
Некои веруваат дека недостатокот на муабет во финската култура е последица на големата оддалеченост меѓу населените места. Имено, некогаш луѓето морале долго да патуваат во тешки временски услови за да стасаат до друго населено место. Уморни и „смрзнати“ немале трпение ниту време за разговор.
Here we see some park benches set up according to the Finnish rules of personal space. pic.twitter.com/MPW9fYDl6k
— Hil-duh (@pahisteinari) October 11, 2016
Други веруваат дека Финците се свесни за сложеноста на својот јазик, па затоа не сакаат да користат други јазици во друштво на странци, бидејќи се плашат да не бидат погрешно разбрани.
Even the Finnish ducks respect personal space... pic.twitter.com/3ncgvj9M3G
— 🚀 Luis Puerto (@lpuerto) September 5, 2016
На тишината на Финците веројатно делумно влијае лошото време и недостигот на сончеви часови, но и тоа што не сакаат да ги вознемируваат другите само за да коментираат дека паѓа снег веќе петти ден по ред.