Фабио Скиафино, фудбалер на белгискиот четвртолигаш КСЦТ Менен, останал без еден прст, а лекарите морале да ампутираат делови од други два, откако завршил во болница поради повредите што ги добил од петарда фрлена на теренот за време на натпреварот против Зилебеке.
Скиафино, прославувајќи го својот 26-ти роденден, постигна два гола на натпревар во кој неговиот тим победи со 4:0, но ќе остане запаметен по лошото нешто што се случи откако му експлодираше реквизитот на навивачот. Ја кренал петардата со десната рака и ја носел надвор од теренот кога се случила хорор сцената. Видеото можете да го видите ТУКА.
Vuurwerkincident met gewonde voetballer: KSCT Menen stelt zich burgerlijke partij. https://t.co/ULgoZT0PF5
— Focus & WTV (@FocusWTV) October 21, 2024
Забранети петарди
Направата која му експлодирала во рака е петарда од типот "Кобра 6", а белгиските медиуми јавуваат дека во таа земја е забранета. Истата била фрлена на терен од 21-годишник, кој по натпреварот бил приведен од полицијата и против кого е поднесена пријава.
„Кога чадот се расчисти, видов дека ми недостасуваат делови од прстите“, рече Скиафино.
