Се испорачуваат батерии за "Citroen e-C3", а како потенцијален партнер се споменуваше и "BMW".
Можеби европскиот пазар во еден момент изгледаше примамливо за кинеските производители на електрични автомобили и батерии, но работите се менуваат. Барем во моментов.
Кинескиот производител на батерии за електрични возила "SVOLT" најави дека ќе ја затвори својата европска филијала во јануари и ќе се откаже од плановите за два производни погони.
Причината лежи во фактот што моментално нема голема побарувачка за електрични возила во Европа. Исто така, на повидок е трговска војна меѓу ЕУ и Кина, што во никој случај не е идеална клима за развој на бизнисот.
Со овој потег се откажуваат двете планирани фабрики во Германија, за монтажа на модули и батерии во Сар и фабриката за производство на ќелии во Бранденбург.
Производството се планира да започне во 2025 година, а вредноста на инвестицијата само во Сар е две милијарди евра.
"SVOLT" е осмиот најголем производител на батерии во Кина и таму не му оди баш најдобро во моментов.
Компанијата вообичаено испорачува батерии за "Citroen e-C3", а како потенцијален партнер се споменуваше и "BMW".
