Дени ДеВито го отелотвори познатиот негативец Пингвин во 1992 година во филмот Batman Returns. ДеВито е еден од најпознатите актери кои ја одиграа таа позната улога.
За време на промоцијата на семејната комедија „A Sudden Case of Christmas“, тој коментирал за тоа како Колин Фарел, кој го игра Освалд Оз Коблпот во серијата на HBO, „The Penguin“, се справил со улогата.
Во интервју за „MovieWeb“, ДеВито бил прашан каков е Фарел во улогата и дали мисли дека е подобар Пингвин од него.
„Ох, Колин ми е сериозна конкуренција. Тој е сосема поинаков. Ја гледав серијата. Не сум видел сè, но повеќето од она што излезе. И навистина е добро“, рекол кратко пред да ја коментира разликата помеѓу него и Фарел како Коблпот.
„Ја разбирам траумата од долгите часови шминкање секој пат кога се трансформираш. Со мене е поинаку бидејќи каде и да одам, јас сум Освалд Коблпот, знаеш? Луѓето можат да ме препознаат. Не можам да се сокријам. Колин може да оди каде сака со таа шминка, да седне во ресторан и никој не би рекол: ‘Еј, тоа е Колин Фарел’. Воопшто не изгледа како што изгледаше во The Penguin. Мене тешко е да ме сокриеш дури и со килограми шминка во улогата“, додал ДеВито.
Да потсетиме, самиот Колин Фарел открил дека подготовката за улогата и шминкањето му се голем проблем. Во едно интервју тој дури изјавил дека една од причините зошто можеби нема да снима втора сезона е тоа што не сака повеќе да го поминува целиот процес на подготовка.
„Кога завршив со снимањето, си помислив: ‘Никогаш повеќе не сакам да го облечам тоа проклет одело и проклета глава’“, коментира актерот.
Покрај тоа, целиот процес на снимање му бил доста заморен, а кон крајот почнал да се жали дека сака снимањето да заврши што побрзо.
„Не ме сфаќајте погрешно, ми се допадна, но навистина почна да ме оптеретува“, рече актерот за снимањето, додавајќи: „На крајот од снимањето, му се жалев на секој што ќе ме слушне дека само сакав сè да заврши“.
Првата сезона на „Penguin“ има осум епизоди, а можете да ја погледнете на стриминг платформата Max. Оваа серија моментално е најгледана на стриминг платформата, а уште не се знае дали ќе се снима нова сезона.
