Гвардиола за видеото од соблекувалната: Не сум горд, но и јас сум само човек

После четирите освоени титули во домашното првенство, Сити направи документарец посветен токму на овој успех во Премиер лигата, а во најавата за документарецот „Четири во низа“, клубот објави и едно видео од соблекувалната.

Во тешкиот период од крајот на минатата сезона, Гвардиола во еден момент ги загубил нервите во соблекувалната и жестоко викал по своите фудбалери, па откако видеото стана вирално, сега со коментар се јави и Шпанецот.

– Не сум секогаш горд на тоа што го правам, посебно не на изданијата после натпреварите кога бесно ги пренесувам емоциите пред играчите.

– Човек сум и грешам, но тоа не ми се допаѓа. Не сакам да оставам таква слика, но понекогаш не можам да се контролирам, – признава Пеп.