Клупскиот фудбал се враќа на сцена и претстојниот викенд на програмата ќе гледаме големи возбудувања во топ 5 лигите, особено поради тоа што натпреварите по репрезентативната пауза знаат да бидат навистина непредвидливи.
Реал Мадрид доби поволна вест од Сан Себастијан и поразот на Барселона од Реал Сосиедад значеше намалување на негативата, а „кралевите“ сега сигурно ќе сакаат да продолжат да победуваат и во малото локално дерби.
Реал ќе гостува кај Леганес во меч во кој влегува како апсолутен фаворит за трите бода, а противничкиот тренер го најави дуелот такашто го избра својот омилен играч од редовите на тимот кој го води Карло Анчелоти.
Борха Хименес во прв план го става Лука Модриќ, посочувајќи го Хрватот како играч кој има најголемо искуство и најголем квалитет за да го разигрува тимот.
– Омилен играч од Реал? Мислам дека тоа е Лука Модриќ поради се она што го покажа низ годините. Демонстрираше неверојатна способност да го воигрува тимот. Ги одведе Реал и Хрватска до најголемите висини во спортот. Јасно е дека Винисиус и Мбапе се талентирани играчи, но за мене на прво место е Модриќ, го сакам неговиот фудбал, – вели Хименес.
