Огромно невреме го зафати Балканот, што ги влијаеше и на фудбалските натпреварувања во овој регион. Поголем дел од натпреварите беа одложени, но не и во Босна и Херцеговина, каде беше забележана вистинска поплава на фудбалските терени.
Првиот натпревар од новото коло го одиграа екипите на Игман и Железничар во Коњиц, каде беа забележани многу лоши услови за игра. Дождот истураше, теренот беше целосно поплавен, што се одрази на самата игра.
На крајот од овој натпревар Железничар победи со 2:0, а на тимот од Сараево многу повеќе му одговараше ваков поплавен терен иако условите беа под нивото.
Игман играше со играч помалку од 12. минута, кога Посинковиќ доби директен црвен картон по груб старт. Самото тоа покажа во која насока ќе оди овој натпревар, а можеше да биде и поубедливо.
Александар Бољевиќ промаши пенал на крајот од првото полувреме, а потоа Железничар реши се за само две минути. Најпрвин Сукиловиќ постигна гол во 51. минута, а потоа минута подоцна и Бољевиќ за 2:0.
Вирален на мрежите стана и тој гол на Александар Бољевиќ, бидејќи едвај ја смести топката во мрежата поради водата.
