Кралицата Елизабета почина на 8 септември 2022 година на 97-годишна возраст, во замокот Балморал.
Принцот Хари отсекогаш бил блиско поврзан со својата баба, кралицата Елизабета Втора. Во своите интервјуа, тој често зборувал за нивната топла врска и големото значење што таа го имала во неговиот живот.
И покрај тоа, според откритијата на биографот Омид Скоби во книгата „Endgame“, принцот не бил информиран за влошената здравствена состојба на кралицата. Смртта на кралицата беше објавена во 18:30 часот истиот ден, додека Хари сè уште патуваше кон замокот.
Скоби тврди дека Бакингемската палата веќе ги подготвувала деталите за последните денови на кралицата и почетокот на новата монархија, но Хари не бил дел од тие информации. „Телефонот на војводата ѕвонеше од непознат број, што обично го игнорираше. Меган мораше да го охрабри да одговори,“ пишува тој.
На линијата бил кралот Чарлс, кој побарал од Хари веднаш да замине за Шкотска. Но, додека пристигнал, веста за смртта на кралицата веќе беше објавена.
Во мемоарите „The Reserve“, Хари дополнително откри дека кралот инсистирал Меган да не патува со него: „Тоа нема смисла. Ничија сопруга не оди, дури ни Кејт,“ му рекол Чарлс.
Овие настани само го продлабочија раздорот помеѓу Хари и кралското семејство, кој започна по нивното повлекување во 2020 година. Денес, Хари и Меган живеат во САД со своите деца, Арчи и Лилибет Дијана.
Многумина ја гледаат оваа ситуација како голем пропуст од страна на кралското семејство, кој остави неизбришлива трага на односите меѓу нив.
