Резултатите откриваат интересни сознанија, меѓу кои најзначајно е дека голем дел од научниците веруваат дека многу животни имаат емоции.

Според истражувањето:

• 98% од испитаниците веруваат дека приматите имаат емоции.

• 89% веруваат дека цицачите имаат емоции.

• 78% сметаат дека птиците имаат емоции.

• 72% веруваат дека октоподите, лигњите и сипите имаат емоции.

• 53% сметаат дека рибите имаат емоции.

• 67% од испитаниците ги сметаат некои инсекти за емоционални.

• 71% веруваат дека други безрбетници имаат емоции.

Истражувачите исто така го разгледувале и прашањето за свеста кај животните. Дефиницијата на емоциите е комплексна, но според 81% од испитаниците, емоциите се субјективни реакции на внатрешни или надворешни дразби и често се двигател на однесувањето на животните. Иако постојат различни ставови за тоа кои животни поседуваат свест, повеќето истражувачи сметаат дека широк спектар на животни ја поседува.

Особено интересен е резултатот за октоподите, со 72% од истражувачите кои веруваат дека овие животни имаат емоции, што го потврдува нивниот интелектуален капацитет и фасцинантни способности. Дополнително, капуцините, кои ги проучува Бенитез, се покажуваат како животни кои користат софистицирани форми на соработка и формираат емоционални врски.

Ова истражување не само што ги проширува научните граници во однос на разбирането на емоциите кај животните, туку и отвора нови филозофски дебати за свеста на животните и нивното место во природата. Понатамошните студии и напредната технологија, како што е вештачката интелигенција и софтверите за препознавање лица, ќе овозможат подлабоко разбирање на животинските емоции и одлуки.