Новата серија на Netflix, „The Breakthrough“, беше премиерно прикажана пред две недели, а многу гледачи веќе ја нарекуваат „најдобрата вистинска криминална драма во последните години“.
Имено, се работи за шведска серија од 4 епизоди која го истражува убиството на жена и дете во Линшепињ, што ја покрена втората најголема криминална истрага во историјата на Шведска.
Жителите на Линшепињ беа особено изненадени на 19 октомври 2004 година, кога 8-годишниот Мохамед Амури и 56-годишната Ана-Лена Свенсон беа пронајдени мртви. И двајцата биле избодени со нож, а според извештаите Мохамед бил на пат кон училиште, додека Ана-Лена била на пат на работа кога биле убиени.
Полицијата ја пронашла Ана-Лена со убодни рани во стомакот на местото на злосторството, а потоа итно била пренесена во болница каде што починала за време на операцијата. Мохамед бил пронајден во близина, исто така со убодни рани и починал на пат кон болница.
Напаѓачот успеал да ја избегне правдата цели 16 години, а напредокот во технологијата и науката донел неочекувани одговори и го променил текот на истрагата по многу години. Серијата ја прикажува работата на генеалози кои го проучуваат потеклото на семејството, форензичари и истражувачи кои постепено ја составуваат сложувалката на овој сложен случај.
Заплетот на серијата е заснован на истоимената книга на новинарката Ане Бодин и генеалогот Петер Сјелунд. Трејлерот за серијата беше објавен пред две недели, а има над 50.000 прегледи.
Многу гледачи ја оценија серијата како исклучителна, изјавувајќи: „Бев маѓепсан од оваа серија. На почетокот не сакав ни да ѝ дадам шанса, а подоцна не можев да го тргнам погледот“, „Ова е навистина одлично направена и добро осмислена серија“.
