Јавното здравство – достапност со ограничувања

Јавното здравство во Македонија е столбот на здравствената заштита за повеќето граѓани.

Со редовно плаќање на здравственото осигурување, голем дел од услугите се бесплатни или со минимална доплата.

Сепак, проблемите со долги листи на чекање, недостиг на кадар и застарена опрема се постојани предизвици.

„Три месеци чекав за преглед кај специјалист, а за магнетна резонанца ми дадоа термин по шест месеци“, вели 42-годишната Емилија од Скопје. „На крај морав да одам приватно, иако знаев дека тоа ќе го преоптовари семејниот буџет“.

Овие ограничувања ги тераат многумина да се обратат кон приватниот сектор, каде брзината на услугите е клучна.

Приватното здравство – квалитет по висока цена

Приватните клиники и болници нудат модерен пристап, нова опрема и врвни специјалисти, но цените честопати се пречка за просечниот граѓанин.

Прегледите кај специјалисти чинат од 1.500 до 3.000 денари, додека поголемите интервенции лесно може да достигнат десетици илјади денари.

„Кога синот ми се разболе, моравме веднаш да го носиме на приватна клиника. Само за дијагностика и за неколку лабораториски анализи плативме над 20.000 денари“, вели Иван Петровски, млад татко од Битола. „Не жалам, бидејќи здравјето е на прво место, но не можам да замислам како би се справиле луѓе со пониски примања“.

Превенцијата – најдобрата инвестиција?

Иако често се запоставува, превенцијата е најисплатливиот начин за заштита на здравјето.

Редовните прегледи, правилната исхрана и физичката активност можат значително да ги намалат трошоците за лекување.

Во Македонија, дел од превентивните услуги се достапни преку јавниот систем, како бесплатните вакцини и скрининг програмите.

Остатокот од текстот можете да го прочитате ТУКА.