Во италијанскиот град Козенца е киднапирано девојче на возраст од неколку дена. Девојчето набрзо беше пронајдено благодарение на видеото кое го прикажува нејзиното киднапирање.
Девојчето старо неколку дена било киднапирано од клиниката Сакро Куоре во италијанскиот град Козенца во вторникот попладне.
Таа била во собата со мајка и и баба и кога влегла ниска жена, со лицето делумно покриено со маска, а косата врзана во плетенки. Таа рекла дека е медицинска сестра и објасни дека треба да го однесе детето на педијатар.
Потоа го земала девојчето и си заминала. По извесно време мајката и бабата на девојчето се исплашиле и пријавиле киднапирање на детето, пишува "L’Unione Sarda".
Снимката направена од внатрешната камера на клиниката потоа откри дека детето било киднапирано од жена и маж со капа.
По тревогата, на клиниката веднаш пристигнале полициски автомобили. Веднаш по киднапирањето, роднините и пријателите на родителите на социјалните мрежи објавија фотографија од девојчето со апел доколку ја видат да контактираат со нив.
Полицијата ги блокирала излезите од градот, а набрзо полициска патрола го пресретнала автомобилот во кој биле киднаперите и бебето. Киднаперите се уапсени, а бебето им било вратено на родителите.
