Истражувачите во Кипар открија скриен портрет сместен под сликарско мастило од 1570 година на ренесансниот сликар Тицијан, објави денеска "Reuters".
Новооткриеното дело прикажува неидентификуван човек со тенки мустаќи, пенкало во рака, кој стои до куп хартии или книги, а над оваа слика, Тицијан подоцна насликал приказ на Исус Христос, врзан со круна од трње.
„Сликата има тајна, а тајната е што се крие под слика“, вели професорот Николас Бакирцис од Кипарскиот институт.
Завршеното уметничко дело, наречено „Ecce Homo“ (Еве, човек), го прикажува Исус како стои до Понтиј Пилат, а делото под тоа на Тицијан било откриено кога истражувачите ја погледнале сликата под микроскоп за време на подготовките за реставрација.
Користејќи комбинација на слики и неинвазивни аналитички техники, истражувачите успеале да состават целосен портрет.
„Јасно е дека тоа е портрет на банкар, адвокат, некој професионален човек во неговиот работен простор“, рече Бакирчис.
Тицијан Вечелио е роден во 1488 година и насликал стотици слики до моментот кога умрел во 1576 година, а истражувачите велат дека тој често користел полуготови дела како основа за неговите дела.
Бакирцис верува дека Тицијан користел елементи од претходното сликарство за новото, вклучително и користење на вилицата на мажот за да ги нацрта јажињата што ги врзуваат Христовите зглобови.
Изложба на слики на Тицијан, како и приказ на скриениот портрет, беше отворена во Лимасол на крајот на јануари и ќе трае до 10-ти март.
