Босанскиот патописец и јутјубер, Роберт Дачешин, посетил повеќе од 110 земји ширум светот, а на социјалните мрежи повторно се шири видео од неговото патување во Луксембург кое го објави пред две години.
Имено, патописецот поминал 48 часа во најбогатата земја на светот и покажал како изгледа животот таму. Луксембург е последното големо војводство во светот, но и една од шесте земји основачи на Европската унија, а таму се наоѓаат неколку важни европски институции. Истакнал и еден интересен факт: Луксембург има најмало население од сите земји на Европската унија.
„Повеќе од половина од жителите се странци“
„Мало, но моќно, веројатно би било најлесниот начин да се опише Големото Војводство Луксембург, како што официјално се нарекува земјата. Опкружен со Германија, Франција и Белгија, многу патници го заобиколуваат, но оние кои малку подобро го запознаваат се изненадени кога ќе видат колку многу има на толку мала површина. Повеќе од половина од жителите се странци“, објасни тој.
„Земјата има три официјални јазици, германски, француски и луксембуршки, и секој од нив се користи во одредени прилики. Францускиот обично се користи во државните институции, германскиот во деловните кругови, а луксембуршкиот обично се користи во секојдневните ситуации меѓу луѓето. Исто така, многу е интересен образовниот систем кој ги расподелил тие три јазици, така што луксембуршкиот претежно се користи во основните училишта, германскиот во средните, а последната фаза на образованието обично се одвива на француски“, раскажал и додал дека повеќе од 50% го сочинуваат странци.
Просечна плата – 3540 евра
Луксембург е најбогата земја во светот, според извештајот на ММФ за 2024 година. БДП во Луксембург е највисок по жител во Европската унија и изнесува 90.900 евра, што е значително над просекот на ЕУ од 35.500 евра. Според податоците на Евростат, просечната нето-плата во земјава е 42.482 евра годишно или 3.540 евра месечно, што е речиси двојно повеќе од просечната плата во Европската унија која е 18.372 евра годишно или 1.531 евро месечно.
Земја во која помалку се работи, а повеќе ужива
Луксембург се издвојува како европски лидер во квалитетот на животот за 2025 година, постигнувајќи оценка од 220 на Индексот за квалитет на истражувањето за „Quality of Life“, на Универзитетот во Оксфорд.
Критериумите кои се земаат предвид при рангирањето на земјите вклучуваат просечен број на работни часови неделно, должина на годишен одмор, процент на жители кои имаат ненарушен ноќен сон, животниот век и чувството на среќа на испитаниците во секоја земја која е опфатена со истражувањето.
