Наполи е еден од клубовите кој има големо значање за италијанскиот фудбал, клуб со голема база на навивачи, навивачи кои се фанатици и се подготвени на се за да нивниот клуб биде успешен и освојува пехари.
Меѓутоа не е лесно да се биде дел од тој дел на Италија и да се има обврска да се судат натпревари на наполитанците, па така двајца искусни судии одлучиле дека е најдобро да не бидат делегирани на тие пресметки-тоа се Марко Гуида и Фабио Мареска.
Италијанската судиска асоцијација (АИА) неодамна ги укина територијалните граници што значи дека арбитрите може да судат натпревари на тимови со седиште во истиот регион, но Марко и Фабио одлучиле да не ги судат натпреварите на Наполи.
- Фабио Мареска и јас можеме да ги судиме натпреварите на Наполи без проблем, но решивме да не го правиме тоа затоа што фудбалот се доживува поинаку во споредба со другите градови како Милано. Ние едноставно го направивме она што мислевме дека е најсоодветно, дури и без територијални граници, - вели Гиуда.
- Живеам во провинцијата Неапол, имам три деца, а жена ми води бизнис. Тоа е личен избор. Морам да ги носам моите деца на училиште наутро и сакам да го направам тоа мирно. Фудбалот овде се живее со силни емоции. Кога правев грешки, шетањето по улиците или одењето во самопослуга не беше баш безбедно. Размислувањето да направам грешка, како да досудам пенал и да не можам да излезам од дома два дена поради моите секојдневни активности, не ме натера да се чувствувам лесно. АИА ни даде слобода да судиме кој било тим, во секое време. Сакам да бидам транспарентен за ова. Нема скриена агенда. Џанлука Роки ги избира најдобрите судии за најдобрите натпревари, - додаде арбитарот кој смета дека станува се потешко да се биде судија.
- Медиумите ги прикажуваат судиите како непријатели што треба да се навредуваат, без разлика на се. Не можам да гледам младински натпревар каде родителите го навредуваат судијата. Јас сум татко на три деца и навистина верувам дека тоа е длабоко штетно. Зборуваме за млади луѓе кои ја работат оваа работа од страст и почитување на правилата, со надеж дека еден ден ќе стигнат во Серија А. Сепак, тие се навредувани од првата до последната минута од натпреварот, - истакна Гуида кој судено на 208 средби во Серија А и 11 во ЛШ.
