Маријен Розер од Јужна Каролина успеа да го спаси животот на својот сопруг кој во нивниот двор го нападна алигатор удирајќи го со стап за домати во очите и главата.
Џозеф Розер работел во својот двор околу растенијата во средата кога алигатор излезгол од блиското езеро и го нападнал, соопшти канцеларијата на шерифот на округот Бофор, пренесува „Еј-би-си њуз“.
Неговата сопруга Маријен ги слушнала повиците за помош и веднаш презела акција.
„Го грабнав најблиското нешто што можев да најдам, стап за домати и почнав да ги напаѓам очите и главата на алигаторот“, рекла Маријен, според извештајот од канцеларијата на шерифот.
Таа рекла дека знаела дека мора да направи сè што може за да го спаси нејзиниот сопруг.
Нејзиниот брз одговор бил ефективен – алигаторот го ослободил Џозеф, а Маријана му помогнала на нејзиниот сопруг да влезе во нивниот дом во пензионерската заедница Сан Сити Хилтон Хед и да се јави на 911.
Џозеф ги пречекал медицинските лица во свесна состојба со рани од каснување на ногата и гребаници на главата, најверојатно од паѓање на тротоарот за време на нападот. Тој е пренесен во блиската болница за лекување на повреди кои не се опасни по живот.
Поради неговото агресивно однесување, вработените во Одделот за природни ресурси биле принудени да го успијат алигаторот.
