Во својата прогноза – од четвртфиналето па сè до финалето – направи само една грешка. Предвиде дека Реал Мадрид ќе го победи Арсенал и ќе се пласира во полуфиналето каде што ќе се сретне со ПСЖ, но наместо тоа, Арсенал беше тој што продолжи понатаму. Сè останато го погоди точно: најави дека Пари Сен Жермен ќе биде во полуфиналето, дека Барселона ќе ја совлада Борусија Дортмунд во четвртфиналето, како и дека Интер ќе биде подобар од Баерн Минхен.

Финалето ќе се одигра во Минхен

Бидејќи Сколс во својата прогноза го стави Реал во полуфинале наместо Арсенал, тој го прогнозираше исходот на мечот Реал – ПСЖ, при што предност му даде на францускиот тим и го постави како финалист. Во другото полуфинале, меѓу Барселона и Интер, најави дека италијанскиот тим ќе помине понатаму – што и се случи, по ремито 3:3 во Барселона и победата од 4:3 во Милано.

Финалето е закажано за 31 мај во Минхен, а според Сколс, трофејот наменет за победникот ќе го подигне Интер.