"EXE181"е дело на Карл Готам и неговиот тим од студиото "SAIC Design Advanced London", кои создадоа футуристички електричен автомобил за поставување брзински рекорди, инспириран од легендарниот "MG EX181" од 1950-тите — возило со кое Сер Стерлинг Мос и Фил Хил поставуваа светски брзински рекорди на солените рамнини на Боновил.

Прослава на минатото

„Сакавме да ја прославиме извонредната историја на "MG" како иновативен производител на спортски автомобили, но и да визуализираме целосно електрично возило за идни брзински рекорди. Иако станува збор за концептно возило, го дизајниравме со јасна цел и спроведовме серија аеродинамички тестирања“, истакнува Готам.

Стручниот жири на "iF Design" го пофали "EXE181" како „студија на стил, иновација и ефикасност“ што дејствува како амбасадор на новата ера на "MG". Истата лондонска дизајнерска екипа е заслужна и за развојот на пофалениот електричен кабриолет "MG Cyberster".

Уште една награда

Компанијата "SAIC Motor" доби и друга "iF Design" награда — за дизајнот на интелигентниот систем "Rising OS Intelligent Cockpit", напреден кориснички интерфејс кој во иднина може да се најде во новите "MG" модели.