Во последниве години сме сведоци на најразлични лудости на патиштата, но оваа ситуација дефинитивно влегува меѓу најекстремните. Тешко е да се најде рационално објаснување за возење во спротивна насока или продолжување на патувањето со автомобил на гола фелна по пукање на гума. Слична, дури и поопасна сцена беше неодамна забележана на северната обиколница на Хјустон.
На автопат во Тексас беше снимен „Saab 9-3“ кабриолет кој неконтролирано се лизгаше од една во друга лента. Автомобилот беше влечен од бел "SUV", а ситуацијата стана уште побизарна (и поопасна) кога камерата се доближи и откри дека зад воланот на возилото всушност седи личност.
Да се биде влечен наназад на брз автопат, без цврста влечна врска и без прегледност во насока на движење, може да биде застрашувачко искуство. Токму тоа го доживеа „возачот“ на „Saab 9-3“.
Снимката, до која дојде „ABC News“, покажува постар модел на „Saab 9-3 кабриолет“ кој се извива како змија додека го влече другото возило. Иако сите четири тркала беа на земја, ретко кога беа насочени во иста насока. Возилото повремено се вртеше речиси под прав агол во однос на сообраќајната лента.
Вистинското изненадување дојде кога автомобилот од кој се снимаше се доближи – станало јасно дека некој навистина седи зад воланот и се обидува да го контролира. Во исто време, белиот SUV продолжува да вози како ништо да не се случува. Возачот, без најмало колебање, ја продолжува својата патека.
Дејвид Чаирез и неговиот колега, кои ја снимиле оваа необична ситуација, за „Eyewitness News“ на "ABC" изјавиле дека SUV-от го возела жена и им изгледала како да се смее додека „Saab“-от опасно се лизга зад неа. Изненадувачки, според достапните информации, не е пријавена никаква сообраќајна несреќа. Останува непознато зошто ваквото шлепување воопшто било изведено и колку далеку била нивната крајна дестинација.
