Секогаш рационалниот Бил Гејтс сакал комфорен караван што ќе обезбеди целосна заштита за него и неговото семејство. Да, побарал бавен, но целосно блиндиран караван.
Еден од најбогатите луѓе во светот има прилично специфичен вкус кога станува збор за автомобили. Со зголемување на богатството, растат и критериумите – некои избираат луксузни лимузини, други екстремно спортски модели со неверојатни перформанси.
Бил Гејтс не е исклучок. Добро е познато неговото "Porsche 959", но за секојдневно возење барал нешто сосема поинакво. Или попрактично. Или побавно.
Секогаш рационален, Гејтс сакал удобен караван со целосна безбедност за него и семејството. Како што пишува "Index", барал можеби бавен, но целосно блиндиран караван.
Сè започнало кога негов претставник посетил салон на "Mercedes-Benz" во Белвиу со необичен барање – да купи блиндиран караван. Но, во тој период ниту еден караван од понудата на "Mercedes" не бил погоден за дополнителна заштита.
Иако моделот "S124" (базиран на W124) бил познат по својата сигурност, не нудел балистичка заштита. "Mercedes" го одбил барањето од безбедносни причини – не сакале да сносат одговорност доколку му се случи нешто на неговите деца.
По ова одбивање, Гејтс се свртел кон шведскиот производител "Volvo".
"Volvo" бил познат по безбедноста, но не и по луксузот или брзината.
Во еден момент се поставило прашањето: може ли легендарниот "Volvo 240" да се блиндира? Одговорот бил – може.
Не е познато дали блиндирањето го извршил самиот "Volvo" или трета компанија, но познато е дека заштитата значително ја зголемила тежината на автомобилот.
А бидејќи "Volvo 240" никогаш не бил особено брз, блиндираната верзија станала еден од најбавните автомобили на американските патишта.
На Гејтс тоа не му пречело – неговите деца биле безбедни.
Единствениот проблем? Електромоторот за спуштање на возачкиот прозорец не можел да ја поднесе тежината на блиндираното стакло и постојано се расипувал.
Иако логично решение би било да се вгради помоќен мотор – тоа никогаш не се случило. Секој месец, сервисот го поправал моторчето – и така постојано.
Сепак, и во оваа ситуација Бил Гејтс покажал способност да најде оптимално решение – дури и кога станува збор за автомобил.
