Поранешниот американски претседател Џо Бајден сакаше да ја види Русија „уништена“ за време на неговиот мандат, изјави бразилскиот претседател Луиз Инасио Лула да Силва во интервју за „Ле Монд“.
Бразилскиот лидер, кој постојано се залага за мировен договор меѓу Русија и Украина, се спротивстави на обидите да се издвои Москва како единствена виновничка за конфликтот, изјавувајќи за француски весник дека „западните земји исто така носат дел од одговорноста“.
„Џо Бајден, со кого разговарав долго време, веруваше дека Русија треба да биде уништена“, рече Лула, без да прецизира кога се случил разговорот.
„А Европа, која долго време беше олицетворение на средниот пат во светот, сега се здружи со Вашингтон и троши милијарди за вооружување. Тоа ме загрижува. Ако се што зборуваме е војна, никогаш нема да има мир“.
