Филипо Инѕаги постигна голем, историски успех со Пиза, откако овој клуб избори пласман во Серија А – прв пат по 34 години.
Сепак, Инѕаги нема да ја води екипата следната сезона, иако имаше важечки договор.
Палермо покажуваше интерес за него со месеци, а на крајот плати обесштетување и ќе го доведе ова лето.
Договорот е постигнат, а соработката со Пиза ќе биде прекината предвреме.
Популарниот Пипо немаше многу успех како тренер во највисоките рангови – беше шеф на стручниот штаб во Милан, Венеција, Болоња, Беневенто, Бреша, Реџина и Салернитана – но во пониските лиги бележеше забележителни резултати.
Со Венеција ја освои Серија Ц, со Беневенто Серија Б, а оваа сезона со Пиза заврши на второто место.
Очигледно, Палермо повторно се одлучи за проверената формула.
