На забавата што ја организираше во рамките на својата фондација „Charlize Theron Africa Outreach Project“, се пошегувала околу „свадбата на векот“.

„Тие се без врска, ние сме супер“

„Мислам дека можеби сме единствените луѓе што не добивме покана за свадбата на Безос“, рекла актерката пред публиката на настанот во Лос Анџелес.

„Но, тоа е во ред, бидејќи тие се без врска, а ние сме супер“, додала Терон со шега, пишува „Hollywood Reporter“.

Добитничката на Оскар им се заблагодарила на своите гости што „одвоиле време да бидат дел од настанот, особено кога изгледа како светот да гори“.

„Имиграциската политика ги уништи животите на семејствата, а не криминалците, женските права секој ден стануваат сè помали, животите на квир и транс луѓето сè повеќе се бришат, а насилството врз основа на пол е во пораст. Ова не е само политика, ова е лично“, рекла таа.

Голем број познати личности на свадбата на Безос

Џеф Безос и Лорен Санчез се венчаа во петокот вечерта на островот Сан Ѓорџо Маџоре.

Иако Терон не била на списокот на гости за тридневната екстраваганција на свадбата на Безос и Санчез, голем број познати личности се упатија кон Венеција за да го прослават парот. Ким и Клои Кардашијан, Крис Џенер, Том Брејди, Орландо Блум, Иванка Трамп, Леонардо Дикаприо, Опра Винфри, Ашер, Сидни Свини и други познати личности присуствуваа на свеченостите.