Еден патник на летот на "United Airlines" предизвика бурна дискусија на социјалните мрежи откако сподели како сведочел на необична тактика на семејство кое успеало да си обезбеди цел ред седишта во авион – без да плати за нив.

Како што објави на "Reddit", маж кој седел на седиште 10 C забележал дека деветтиот ред пред него е целосно празен при качување во авионот. Наскоро потоа, четиричлено семејство се качило и седнало токму на тие седишта.

„Го следеа распоредот како јастреби“

Патникот наведува дека однесувањето на мајката му било сомнително – им кажала на децата да не ги распакуваат работите, додека тој забележал дека постојано нервозно го освежува распоредот на седишта преку мобилната апликација.

„Мислев дека чекаат надградба во бизнис класа, но кога ја проверив апликацијата, сфатив дека тие седишта никогаш не биле резервирани“, напиша тој. „Тогаш ми стана јасно – чекаа вратите да се затворат за да го заземат целиот ред.“

Токму тоа и се случило. По затворањето на вратите, седиштата останале празни – и семејството ги задржало. Ниту еден член на екипажот не реагирал.

Реакции од интернет: трик или срам?

Приказната предизвика многу коментари. Некои корисници на "Reddit" беа воодушевени од потегот.

„Знаеле точно што прават. Нема сомнеж, мајката го испланирала сето тоа“, напиша еден коментатор.

„Мора да им се восхитиш. Не би го направил тоа, но секоја чест“, додаде друг.

Многумина признаа дека и самите искористиле слична ситуација, особено на полупразни летови. Еден корисник рече:

„Ја прашав стјуардесата дали можам да се преместам во празен ред. Ми рече дека можам да седнам каде сакам, се додека не е бизнис класа. Никому не му пречеше.“

Сепак, имаше и критики за постапката на семејството – некои сметаат дека зазеле седишта за кои не платиле и можеби му го одзеле местото на некој на кој навистина му било потребно.

„Родителите купуваат најевтини, одвоени седишта, па потоа бараат од екипажот да ги спојат. Тоа создава проблеми за другите патници“, напиша еден.

„Многумина влегуваат пред самото полетување и седнуваат каде што сакаат. Екипажот нема време да го провери тоа“, додаде друг.

Дали тактиката е фер?

Некои заклучија дека мајката едноставно знае како функционира системот.

„Се обложила дека екипажот нема да реагира кога ќе види деца. Веројатно процениле дека не вреди да прават проблем непосредно пред полетување.“