Руските воздухопловни сили соборија четири украински дронови испратени кон Москва, изјави градоначалникот Сергеј Собјанин.
Трите московски аеродроми – Домодедово, Внуково и Жуковски накратко ги прекинаа операциите, кои подоцна беа обновени, објави рускиот воздухопловен орган Росавјацја.
Властите претходно соопштија дека привремено ги прекинале сите летови до и од аеродромот во градот Калуга, околу 200 км југозападно од Москва.
Руското Министерство за одбрана објави дека 14 дронови се соборени над регионот Брјанск, а уште осум над регионот Белгород помеѓу 15:00 и 16:30 часот. Двете области се граничат со Украина.
Во подоцнежен извештај од министерството се наведува дека 26 украински беспилотни летала биле уништени од 17 до 20 часот, од кои 20 биле над регионите Курск и Брјанск.
