Премиерлигашот Челси постојано влече потези на пазарот и тоа очекувани и неочекувани, па клубот дефинитивно има вишок на играчи во овој момент и се очекува реакција во наредниов период.
Доста офанзивци беа доведени во претходниов период и тоа според Алан Ширер може да донесе продажба на фудбалер кој до „вчера“ беше главен напаѓач на екипата, Николас Џексон.
- Да не се правам адвокат на ѓаволот, ама Џексон може да биде продаден. Тоа не би ме изненадило ако биде продаден на некого, без разлика дали е во нашата земја или не, тоа не би ме изненадило ако ја донесат таа одлука. Имаат сериозни опции на секоја позиција во нападот, - истакна Ширер.
Челси како напаѓачи веќе ги донесе Лиам Делап и Жоао Педро, доведен беше и Џејми Гитенс, а ќе пристигне и талентираниот Естевао што јасно говори дека конкуренцијата е жестока и тренерот Мареска ќе има доста опции на располагање.
