Според наводите на италијанските медиуми, Баумгартнер изгубил контрола над параглајдерот околу 16 часот, откако наводно му се слошило додека бил во воздух. Леталото паднало директно во базенот на хотелот, а ударот бил фатален. Полицијата и итната помош пристигнале веднаш, но спортската легенда починала на самото место.

Во инцидентот полесно е повредена и една млада жена, чие здравствено состојба засега не е прецизирана. Таа наводно се наоѓала во близина на местото на падот. Локалните власти спроведуваат истрага за сите околности на несреќата.

„Премногу ветер“ – последната објава

Само неколку часа пред кобниот лет, Баумгартнер на својот "Instagram" профил објавил фотографија од местото за поаѓање со пораката: „Too much wind“ („Премногу ветер“). Иако беше познат по тоа што ги поместуваше границите на можностите, оваа порака денес звучи морничаво.

Легенда на екстремниот спорт

Феликс Баумгартнер стана светски познат во 2012 година, кога изведе скок од стратосферата од висина од 39 километри – настан што го следеа милиони гледачи ширум светот. Последните години живееше во швајцарскиот град Арбон, во кантонот Тургау.

Во текот на кариерата изведуваше спектакуларни скокови од облакодери, карпи и хеликоптери, а многумина го нарекуваа „човекот без страв“. За жал, неговиот последен лет заврши трагично.