Каде и да се појави Џорџ Клуни со сопругата, славните актерки на црвениот тепих стануваат неважни, а овојпат Амал Клуни повторно успеала да го постигне тоа благодарение на архивскиот примерок од брендот „Jean-Louis Scherrer Couture“.
Во текот на 82 Меѓународен филмски фестивал во Венеција каде присуствуваат големите имиња од филмската индустрија, речиси секоја година тамошни гости се и холивудскиот актер и режисер Џорџ Клуни со сопругата Амал, позната адвокатка.
Штом овој пар пристигнал во Италија, веднаш привлекол огромно внимание, а Амал воодушевила со својот стил.
Парот присуствувал на премиерата на новиот филм на Клуни „Џеј Кели“, а Амал го украла шоуто со величествениот, виолетов фустан којшто го извлекла од архивата на модната куќа „Jean-Louis Scherrer“.
Станува збор за креација која Ерик Мортенсен ја дизајнирал за колекцијата есен/зима во 1995/96 година, набран мини фустан без рамки и ракави, од кој се спушта голем материјал од задниот дел со полн волумен.
Амал маестрално го искомбинирала фустанот со златни сандали на висока потпетица од брендот „Aquazzura“, додека пак косата ѝ била пуштена.
Ви се допаѓа ли оваа модна комбинација на Амал Клуни?
