„Porsche Taycan Turbo GT“ е „забранет“ на австралиските патеки за трки на забрзување бидејќи ја надминал границата од 241 км/ч (150 mph) што ја пропишува меѓународната регулаторна организација „IHRA“.
Имено, „IHRA“ ги надгледува натпреварите на поголемиот дел од главните австралиски „драг“ патеки и бара сите автомобили што ја надминуваат оваа брзина да бидат опремени со падобрани.
„Taycan Turbo GT“ со „Weissach“ пакетот измина четвртина милја за 9,083 секунди – што претставува најбрзо време некогаш постигнато од сериски автомобил на било која „драг“ патека во Австралија.
Исто така, достигна крајна брзина од 252 км/ч (156,6 mph), со што влезе во „опасната зона“ според правилата на трките на забрзување.
„Porsche Taycan Turbo GT“ го придвижуваат два електромотори со комбинирана максимална моќност од 1.019 коњски сили и 1.239 Nm вртежен момент.
Верзијата „Taycan Turbo GT Weissach“ е полесна за 75 килограми во споредба со обичниот „Turbo GT“, добива лепливи „Pirelli Trofeo RS“ гуми и големо фиксно крило назад, а чини исто како и стандардниот „Taycan Turbo GT“.
Австралиските трки на забрзување функционираат според правилата на „IHRA“, кои датираат од времето кога сериските автомобили ретко ја надминувале брзината од 225 км/ч на четвртина милја. „Taycan“ со своите брзини ги проби овие безбедносни граници, создавајќи преседан во кој фабрички автомобил одеднаш бара професионална тркачка безбедносна опрема.
